| Grétar Magnússon

Markið hans Daniel skráð sjálfsmark

Tilkynnt var í dag að markið sem Daniel Sturridge skoraði gegn Crystal Palace á mánudagskvöldið hafi verið dæmt sem sjálfsmark.


Sérstök nefnd enska knattspyrnusambandsins fer yfir mörk þar sem einhver vafi leikur á hver hafi skorað og úrskurðurinn liggur fyrir.  Markið er skráð sem sjálfsmark Damien Delaney.

Daniel Sturridge hefur því ekki skorað 21 mark í deildinni á tímabilinu og er þar með orðinn jafn Yaya Toure með 20 mörk í 2.-3. sæti yfir markahæstu menn deildarinnar.

Verður þessi ákvörðun nefndarinnar að teljast nokkuð skrýtin í ljósi þess að oftast þegar skot sem stefnir á markið breytir um stefnu af varnarmanni, fær sóknarmaðurinn engu að síður markið skráð á sig.

En hvað um það, vonandi bætir Sturridge við markafjöldann í síðasta leik tímabilsins á sunnudaginn kemur.


TIL BAKA
Nýlegar fréttir
Fleiri fréttir
Fréttageymslan