Ný dagsetning á Sunderland leikinn

Tilkynnt var í dag hvenær leikurinn við Sunderland fer fram. Dagsetningin er ansi skemmtileg fyrir okkur hér á Íslandi.


Leikurinn fer fram á Anfield miðvikudaginn 26. mars og hefst hann kl. 20:00.  Þennan dag á Liverpoolklúbburinn á Íslandi 20 ára afmæli en klúbburinn var stofnaður nákvæmlega þennan dag á því herrans ári 1994.

Frá því að klúbburinn var stofnaður hefur aldrei nokkurn tímann verið leikur á þessum degi og það var því aldeilis tilvalið að nú loksins skyldi það gerast á 20 ára afmælinu.

Væntanlega verður einhverskonar uppákoma á heimavelli okkar, Spot, í kringum leikinn og verður það tilkynnt þegar nær dregur.