| Sf. Gutt

Mikilvægasta markið mitt!

Jordan Henderson skoraði sigurmark Liverpool á móti Swansea á sunnudaginn. Það var svo sem ekkert skrýtið þótt hann segði eftir leik að markið hefði verið það mikilvægasta sem hann hefði skorað. En Jordan skoraði auðvitað tvisvar í leiknum og átti frábæran leik. Hann sagði meðal annars þetta í viðtali við Liverpoolfc.com eftir leikinn.
 
,,Það er gott að komast á markalistann. Í fyrsta markinu gerði Sturridge snilldarlega í að leika á mann og leggja boltann fyrir mig. Ég hafði tíma til að leggja boltann fyrir mig og hitta í hornið. En það ánægjulega við seinna markið var að ég hef verið að reyna að taka fleiri spretti inn í vítateignn og þess vegna var líka mjög gaman að skora. Þetta var fínasta mark og líklega það mikilvægasta sem ég hef skorað hérna."

Jordan hefur tekið miklum framförum á þessari og síðustu leiktíð. Hann hefur verið lykilmaður á miðjunni og tekið þátt í hverjum einasta leik á leiktíðinni. Hann segist þó sjálfur eiga mikið ólært.

,,Ég á enn langt í land og á eftir að bæta mig mikið. Að skora er eitt en það er líka margt annað. Ég einbeiti mér bara að því sem ég hef verið að gera og legg hart að mér á æfingum. Vonandi á ég eftir að bæta mig."
 
,,Allir voru ánægðir með úrslit leiksins. Stigin þrjú voru kærkomin því það var mikil pressa á okkur fyrir leikinn þar sem öll hin liðin voru búin að sigra í sínum leikjum. Við vissum að við þyrftum sigur. Við vorum því í skýjunum með þrjú stig. Við gerðum nokkuð af mistökum og lékum ekki eins vel og við getum en sýndum andlegan styrk. Þeir jöfnuðu í tvígang en við sýndum mikinn styrk, héldum áfram að berjast, vorum jákvæðir og reyndum að ná sigurmarkinu. Það tókst hjá okkur."

,,Sóknarleikurinn hefur verið frábær á leiktíðinni og vonandi verður svo áfram. En við þurfum að laga eitt og annað og ég er viss um að við náum að laga þetta saman í vikunni. Við þurfum að spila vörnina betur ef við ætlum að ná eins hátt og við ætlum okkur."

Jordan var frábær á móti Swansea eins og svo oft á leiktíðinni. Víst er að hann mun ekki láta sitt eftir liggja í þeirri baráttu sem framundan er til vors.

TIL BAKA
Nýlegar fréttir
Fleiri fréttir
Fréttageymslan