Hjartað sló hratt!

Sigurmark Steven Gerrard í gærkvöldi úr víti á síðustu mínútunni á móti Fulham tryllti hann, félaga hans og stuðningsmenn Liverpool um allar jarðir. Hann segir að hjartað hafi slegið hratt þegar hann bjó sig í að taka þessa mikilvægu vítaspyrnu.  

Steven hefur oft tekið mikilvægar vítaspyrnur fyrir Liverpool og er svo sem öllu vanur en hann sagði eftir leikinn að hjartað hefði slegið hratt. Hann sagði líka að tveir leikmenn Fulham hefðu reynt að koma honum úr jafnvægi með ýmsu móti! En fyrirliðinn brást ekki og skoraði af miklu öryggi með skoti út við stöng vinstra megin! Já, Steven Gerrard er engum líkum. 

Mikilvægi þessa marks mátti vel greina á trylltum fögnuði Steven sem reif sig úr keppnistreyjunni. Félagar hans trylltust svo og stuðningsmenn Liverpool uppi í stúku og úti um allan heim. Þetta var eitt af þessum óborganlegu augnablikum!