Bill Shankly heiðraður á sunnudaginn!

Bill Shankly verður heiðraður á Anfield á sunnudaginn fyrir leik Liverpool og Manchester United. Á sunnudaginn verður fyrsti dagur september en á öðrum degi þess mánaðar árið 1913 fæddist Bill Shankly í þorpinu Glenbuck í Skotlandi.

Minningarathöfnin fer þannig fram að fyrir leikinn verður minning Bill heiðruð með því að áhorfendur klappa fyrir meistaranum í eina mínútu. Á meðan mun Kop stúkan mynda sérstakt myndverk honum til heiðurs.
 
Ian Ayre, forstjóri Liverpool, sagði meðal annars þetta þegar tilkynnt var minningarathöfnina í gær. ,,Nafn Bill Shankly er og verður alltaf samofið sögu Liverpool Football Club. Hann lagði grunninn sem gerði það að verkum að félagið fór jafnt og þétt vaxandi upp í það sem félagið er í dag."

Víst er að ekki minnkar stemmningin á leiknum við þessa minningarathöfn og nú er að vona að andi þessa mikla höfðingja efli leikmönnum Rauða hersins kraft og þor til sigurs á móti Englandsmeisturunum.

Margt hefur verið gert það sem af er árinu og meira er á dagskrá það sem eftir er af því til að heiðra aldarártíð Bill Shankly. Þessum tímamótum verða gerð skil hér á síðunni en nefna má að nú er Bill kominn á frímerki. Upplagt fyrir frímerkjasafnara, sem halda með Liverpool, að reyna að ná sér í það!

Hér má fræðast vel um Bill Shankly á sérstakri vefsíðu um hann.
 
Hér má skoða myndir úr sögu Liverpool og meðal annars af Bill.