Mark Fabio dugði lítt

Spánverjar unnu Evrópukeppni undir 21. árs liða núna í kvöld. Fabio Borini skoraði annað mark sitt í keppninni en það dugði lítt. Spánverjar virðast bestir í flestum aldursflokkum þessi árin og þetta lið þeirra gaf hvergi eftir í úrslitaleiknum í Jerúsalem í Írsael. Svo fór að Spánn vann 4:2 og varði titil sinn frá því mótið fór fram síðast.
 
Thiago Alcantara skoraði þrennu í fyrri hálfleik en síðasta mark hans var úr víti. Ciro Immobile jafnaði reyndar í 1:1 en staðan í hálfleik var 3:1. Isco gerði svo út um leikinn með vítaspyrnu. Fabio Borini, sem kom Ítalíu í úrslitin, lagaði stöðuna í 4:2 þegar ellefu mínútur voru eftir en sigri Spánverja var ekki ógnað.

Fabio má vera ánægður með sitt eftir að hafa skorað tvö mörk á mótinu. Hann er þó líklega búinn að fá nóg af Spánverjum því hann var í liðshópi Ítala sem fóru í í úrslit á Evrópumóti aðallandsliða í fyrra þar sem þeir töpuðu 4:0 í úrslitum fyrir Heims- og Evrópumeisturunum.  

Spánverjar vörðu því titil sinn og það sama má segja um aðalliðið sem hefur unnið tvö síðustu Evrópumót 2008 og 2012.

Hér eru myndir úr leiknum af Liverpoolfc.com.