| Sf. Gutt

Sá nýi vígður!

Áður fyrr voru nýir búningar vígðir á nýrri leiktíð en nú til dags er stundum tekið forskot á sæluna og þá væntanlega til að auka söluna því ekki dugir annað en að reyna að græða! Liverpool lauk einmitt leiktíðinni í nýja búningnum og sá nýi gafst vel því Liverpool vann Queens Park Rangers 1:0 eins og allir vita.

Jamie Carragher náði að leika einu sinni í þessum nýja búningi í síðasta leik leik leiktíðarinnar sem var um leið allra síðasti leikur hans Liverpool. En í sama leik hófst ferill Jordan Ibe. Svona heldur tilveran áfram í knattspyrnuheiminum og maður kemur í manns stað. 

En nýi rauði búningurinn er sem sagt tilbúinn og segja má að búið sé að vígja hann. Búningurinn verður þó ekki notaður nema í eitt ár því Warrior, búningaframleiðandi Liverpool vill skipta um búninga árlega. Það þarf jú að græða á öllu þessu!

TIL BAKA
Nýlegar fréttir
Fleiri fréttir
Fréttageymslan