Þrír leikmenn í enska U-21 árs hópnum

Þeir Jordan Henderson, Jonjo Shelvey og Andre Wisdom hafa verið valdir af Stuart Pearce, stjóra U21 árs landsliðs Englendinga til að spila á Evrópumeistaramóti U21 árs liða í Ísrael í sumar.


Um er að ræða lokakeppni mótsins þar sem 8 lið mætast og er þeim skipt niður í tvo riðla.  Englendingar eru með Ítölum, Norðmönnum og Ísraelsmönnum í A-riðli.  Í B-riðli eru Þýskaland, Holland, Rússland og núverandi Evrópumeistarar Spánar.  Tvö efstu liðin úr hvorum riðli komast svo áfram í undanúrslit.

Englendingar hefja leik þann 5. júní gegn Ítalíu, þrem dögum síðar mæta þeir Noregi og þann 11. júní er svo leikið við heimamenn í Ísrael.

Landsliðshópur Englendinga er annars skipaður eftirtöldum leikmönnum:

Markverðir: Jack Butland, Declan Rudd, Jason Steele;

Varnarmenn:  Steven Caulker, Nathaniel Clyne, Craig Dawson, Tom Lees, Danny Rose, Luke Shaw, Adam Smith, Andre Wisdom;

Miðjumenn:  Nat Chalobah, Jordan Henderson, Tom Ince, Henri Lansbury, Jason Lowe, Josh McEachran, Callum McManaman, Jonjo Shelvey, Andros Townsend;

Sóknarmenn:  Marvin Sordell, Connor Wickham, Wilfried Zaha.