| Sf. Gutt

Jose Reina tæpur

Jose Reina missti af leik Liverpool og Tottenham Hotspur um síðustu helgi og það er ekki víst að hann nái leiknum um helgina. Liverpool mætir þá Southampton á útivelli.

Jose gat ekki leikið gegn Tottenham vegna meiðsla á ökkla og óvíst er um nógu góðan bata þannig að hann verði leikfær. Úr herbúðum Liverpool fregnast að beðið verði fram á síðustu stundu með að ákveða hver stendur í markinu á laugardaginn. Fari svo að Jose verði ekki leikfær verður Brad Jones auðvitað settur á vaktina. Hann fékk á sig tvö mörk á móti Tottenham en stóð sig samt vel í heildina séð. Ástralanum er að minnsta kosti vel treystandi þurfi hann að spila.
 
Aldrei þessu vant þá hefur Jose Reina misst af nokkrum leikjum á þessari sparktíð vegna meiðsla en slíkt hefur verið sjaldgæft frá því hann kom til Liverpool.



TIL BAKA
Nýlegar fréttir
Fleiri fréttir
Fréttageymslan