Ekki allt búið!

Charlie Adam segir að Liverpool sé ekki öruggt áfram í Evrópudeildinni þrátt fyrir góðan sigur á Hearts í Skotlandi. Hann telur að leikmenn Liverpool verði að vera á varðbergi í seinni leiknum á Anfield Road. Skotinn hafði þetta að segja eftir leikinn í Edinborg.  

,,Allt getur gerst, hornspyrna eða aukaspyrna geta farið inn en ef við skorum næsta mark erum við komnir í góða stöðu. Við munum ekki slaka neitt á og við verðum að vera jafn ákveðnir og í leiknum í kvöld."

Charlie fékk að heyra það frá stuðningsmönnum Hearts enda eru leikmenn Rangers ekki vinsælir í höfuðstað Skotlands.

,,Við reiknuðum með að áhorfendur myndu láta okkur heyra það og það kom á daginn. Mér fannst stuðningsmenn Hearts frábærir í kvöld. Við vissum að þetta yrði harður leikur því þetta var eins og bikarúrslitaleikur fyrir Hearts. Við komum í þennan leik eftir slæmt tap og náðum að koma okkur aftur á sigurbraut."

Það verður áhugavert að sjá hvort Charlie fær sæti í liði Liverpool í seinni leiknum. Hann hefur verið orðaður við brottför frá Liverpool en segist ekki vilja fara. Lokað verður fyrir félagskipti daginn eftir seinni leikinn.