Niðurtalning - 3. kapítuli

Það styttist! Þetta er ekki í fyrsta skipti sem Liverpool og Cardiff City hafa leitt saman hesta sína í Deildarbikarnum. En liðin hafa reyndar aðeins einu sinni leikið saman áður í keppninni!

+ 2007-08. Liverpool:Cardiff City. 2:1. Nabil El Zhar og Steven Gerrard skoruðu fyrir Liverpool en Darren Purse fyrir Cardiff.

+ Þrír leikmenn Liverpool sem þátt tóku í leiknum haustið 2007 eru enn í leikmannahópnum og gætu tekið þátt í úrslitaleiknum. Það eru þeir Jamie Carragher, Fabio Aurelio og Steven Gerrard. Reyndar kom Lucas Leiva líka við sögu en hann er meiddur og verður ekki með á Wembley. 

+ Markið sem Nabil El Zhar skoraði var það eina sem hann skoraði með Liverpool.

+ Robbie Fowler lék með Cardiff en hann varð Deildarbikarmeistari með Liverpool 2001.

Myndir úr leik Liverpool og Cardiff City 2007.