Niðurtalning - 2. kapítuli

Áfram heldur niðurtalningin og nú verða helstu afrek og met Liverpool í keppninni rakin.

+ Liverpool hefur oftast unnið Deildarbikarinn eða sjö sinnum.

+ Liverpool hefur oftast, ásamt Arsenal, spilað í undanúrslitum keppninnar eða fjórtán sinnum.

+ Liverpool er í úrslitum í ellefta sinn. Það er met.

+ Liverpool vann keppnina 1981, 1982, 1983, 1984, 1995, 2001 og 2003.

+ Liverpool er eina liðið á Englandi sem hefur unnið stórtitil fjögur ár í röð eins og liðið gerði í Deildarbikarnum á árunum 1981 til 1984.

+ Liverpool varð fyrsta liðið til að vinna stórtitil á Englandi eftir vítaspyrnukeppni. Liverpool lagði Birmingham City 5:4 í vítaspyrnukeppni í úrslitum Deildarbikarins 2001.

+ Þrír leikjahæstu leikmenn Liverpool í Deildarbikarnum eru: Ian Rush 78 leikir, Bruce Grobbelaar 70 leikir og Alan Hansen 68 leikir.

+ Þrír markahæstu leikmenn Liverpool í Deildarbikarnum eru: Ian Rush 48 mörk, Kenny Dalglish 27 mörk og Robbie Fowler 26 mörk.

+ Ian Rush hefur alls skorað 49 mörk í Deildarbikarnum sem er landsmet sem hann á með Sir Geoff Hurst.