Steven Gerrard gerir langtímasamning!

Tilkynnt var í dag að Steven Gerrard hafi gert nýjan langtímasamning við Liverpool. Samningurinn felur í sér að Steven mun gerast sérstakur sendiherra Liverpool Football Club þegar hann hættir að leika knattspurnu. Þetta verða að teljast frábærar fréttir og nú er ljóst að Steven Gerrard mun enda knattspyrnuferil sinn hjá Liverpool þar sem hann hófst!

,,Ég er mjög ánægður og þessi dagur fyllir mig og fjölskyldu mína stolti. Samningurinn kemur í fjölfar frábærrar frammistöðu liðsins í gærkvöldi sem skilaði okkur þeim úrslitum sem við vildum ná. Við getum vonandi klárað málið eftir tvær vikur þannig að við getum boðið hinum frábæru stuðningsmönnum okkar upp á ferð á Wembley."

,,Ég elska þetta félag og hef haldið með því frá því ég var lítill strákur. Ég er í raun að upplifa draum með því að vera fyrirliði eins mesta félags í heimi. Ég veit ekkert betra en að koma til vinnu hingað að hverjum degi. Ég myndi ekki vilja skipta á nokkru og því sem ég hef upplifað hérna frá því ég samdi fyrst við félagið þegar ég var átta ára. Ég vil lengja dvöl mína hérna og vonandi bæta við góðum stundum í rauðu treyjunni."

,,Það á eflaust eftir að ganga upp og niður því svoleiðis er tilveran hjá bestu félögunum. Mestu skiptir að maður bregðist vel við þegar gefur á og skemmtilegu stundirnar verði fleiri en hinar. Ég hef trú á því að félaginu miði núna í rétta átt. Við erum með frábært lið, félagið er í höndum traustra eigenda og baklandið við liðið er gott. Ég hef því fulla trú á að við eigum eftir að upplifa fleiri góðar stundir á ókomnum árum."

,,Ég met það mikils að félagið hefur boðið mér tækifæri til að vera hérna áfram þegar munu hengja upp skóna.  frá skónum. Vonandi eru samt mörg ár í það því ég vil spila eins lengi og ég get. Ég mun vita það sjálfur hvenær rétti tíminn til að hengja upp skóna kemur og eftir það mun ég vonandi geta unnið félaginu gagn og verið þeim ungu strákum sem eru að koma upp félaginu fyrirmynd."

Steven Gerrard lék sinn fyrsta leik með Liverpool árið 1998. Hann hefur nú leikið 566 leiki fyrir hönd félagsins og skorað 144 mörk. Nú er ljóst að hann mun ljúka keppnisferli sínum hjá Liverpool og fréttir dagsins geta eiginlega ekki verið betri!