Shelvey kallaður heim úr láni

Jonjo Shelvey, sem verið hefur á láni hjá Blackpool, hefur verið kallaður aftur til Liverpool vegna meiðsla Lucasar.  Óttast er að Brasilíumaðurinn verði frá í sex til níu mánuði.

Shelvey hefur staðið sig gríðarlega vel með fyrstu deildarliðinu og hefur hann skorað sex mörk í níu leikjum.  Viðræður voru í gangi á milli félaganna um að framlengja lánsdvölinni framyfir desembermánuð en eins og áður sagði voru það meiðsli Lucasar sem settu strik í reikninginn.

Sögusagnir hafa verið á kreiki í dag á vefsíðunni Twitter um hversu lengi Lucas verður frá og óttast hann sjálfur að vera frá í sex mánuði.  Hnéð verður skannað á morgun (fimmtudag) og þá verður það ljóst hversu lengi hann verður frá.