| Sf. Gutt

Jon færist upp í landsliðinu

Segja má að bakvörðurinn efnilegi Jon Flanagan hafi færst upp í enska landsliðinu. Hann er nú kominn í undir 21. árs liðið en hann hefur áður leikið með öðrum yngri landsliðum Englands.

Þeir Martin Kelly, Jordan Henderson og Jonjo Shelvey eru líka í landsliðshópnum. Liverpool á því tvo hægri bakverði í liðinu og verður það að teljast merkilegt! Reyndar var Jon ekki í upphaflega liðinu en hann kom inn í það vegna forfalla. Hann er búinn að spila þrjá leiki með aðalliði Liverpool á leiktíðinni. 

Enska landsliðið leikur tvo leiki á næstu dögum og er sá fyrri gegn Íslandi 6. október og fáum við því gott tækifæri á að sjá Rauðliðana. Hinn leikurinn er gegn Norðmönnum 11. október.

Þess má geta að Andy Carroll og Stewart Downing voru valdir í enska aðalliðið.






TIL BAKA
Nýlegar fréttir
Fleiri fréttir
Fréttageymslan