Tilboð í Daniel Ayala

Liverpool hefur fengið tilboð í spænska varnarmanninn Daniel Ayala. Tilboðið er frá Hull City en þar var hann í láni á síðasta keppnistímabili. Nigel Pearson framkvæmdastjóri Hull staðfesti þetta í gær. ,,Við höfum spurst fyrir um leikmanninn og lagt fram tilboð. Ég veit þó ekki hvort málið þróast eitthvað meira fyrir helgina."

Ekki er ólíklegt að Daniel verði seldur því hann var lánaður á síðasta keppnistímabili bæði til Hull City og Derby County. Daniel hefur spilað fimm leiki með aðalliði Liverpool.