Samið við Alexander Doni

Tilkynnt var rétt í þessu á opinberri heimasíðu Liverpool að samningar hafi tekist við brasilíska markvörðinn Alexander Doni.  Hann kemur frá ítalska liðinu Roma.

Alexander Doni stóðst læknisskoðun í dag og hefur komist að samkomulagi um kaup og kjör við Liverpool.

Hann hefur spilað tíu landsleiki fyrir Brasilíu og spilaði alls 179 leiki fyrir Roma á sex tímabilum.  Vann hann ítölsku bikarkeppnina tvisvar sem og Ofurbikarinn ítalska.

Hann var einnig hluti af landsliði Brasilíu sem vann Suður Ameríkukeppnina árið 2007.