| Sf. Gutt

Robbie langar að þjálfa hjá Liverpool

Robbie Fowler segist langa mikið til þess að þjálfa hjá Liverpool. Hann er núna að læra knattspyrnuþjálfun eftir að hafa hætt að spila knattspyrnu í Ástralíu. Robbie sagði frá áhuga sínum á þjálfarastarfi hjá Liverpool í viðtali við Al Jazeera Sport.
 
,,Ef satt skal segja þá myndi ég svo gjarnan vilja það en ég hef ekkert um það að segja! Ef ég gæti gengið inn þar á morgun þá myndi ég gera það en heimurinn er ekki fullkominn eins og allir vita."
 
,,Ég mun stefna á að komast þangað og starfa hjá félaginu á nýjan leik. Félagið hefur alltaf skipað stóran sess í lífi mínu frá því ég byrjaði þar þegar ég var ellefu ára gamall."

Robbie Fowler kom við á æfingum hjá varaliði Liverpool í vor og hver veit nema forráðamenn Liverpool hafi hug á því að fá hann til starfa á næstu árum. Víst er að Robbie er mjög áhugasamur. 

 


TIL BAKA
Nýlegar fréttir
Fleiri fréttir
Fréttageymslan