| Sf. Gutt

Slæm byrjun kostaði Evrópusæti

Liverpool tapaði tveimur síðustu deildarleikjum sínum og missti þar með af Evrópusæti í fyrsta sinn frá árinu 1999. Kenny Dalglish segir að Evrópusætið hafi ekki tapast í þessum tveimur leikjum. Fremur hafi slæm byrjun á keppnistímabilinu kostað Evrópusætið. Hann sagði þetta eftir leikinn við Aston Villa.

,,Við misstum ekki sæti í Evrópukeppni vegna þess að við töpuðum í dag. Það var hin slæma byrjun á keppnistímabilinu sem sá fyrir því. Fyrst liðið byrjaði svona illa eins og raunin var má segja að það hafi verið heppni að ná sjötta sætinu. Leikmennirnir eiga mikið hrós skilið fyrir að við skyldum vera svona nærri því."

Það má til sanns vegar færa að slæm byrjun Liverpool undir stjórn Roy Hodgson hafi kostað félagið Evrópusæti. Liverpool átti auðvitað um tíma möguleika á að ná sjötta og jafnvel fimmta sætinu en það mátti ekkert út af bera í síðustu leikjunum og því fór sem fór.

En það tjáir ekki að fást um það og nú er að vona að Liverpool byrji næstu sparktíð af fullum krafti.

TIL BAKA
Nýlegar fréttir
Fleiri fréttir
Fréttageymslan