| Sf. Gutt

Stevie hælir Carra

Það er næsta víst að Jamie Carragher verður næst leikjahæsti leikmaður Liverpool núna í kvöld. Steven Gerrard hrósar félaga sínum og vini á þessum tímamótum og dregur ekki úr hrósinu.
 
,,Carra er ótrúlegur og ég er einn mesti aðdáandi hans. Ég er búinn að sjá hversu hart hann leggur að sér í meira en áratug. Ef satt skal segja þá finnst mér hann ekki fá eins mikið hrós og hann á skilið."

,,Fólk áttar sig ekki á því að hann leggur allt í sölurnar. Viku eftir viku spilar hann þrátt fyrir sársauka og það gerir hann fyrir sig og félagið."

,,Hann er að slá met meðal þeirra bestu í knattspyrnunni vegna þess hversu ákveðinn hann er og hversu hart hann leggur að sér. Hann er sjálfum sér til mikils sóma."

Steven Gerrard og Jamie Carragher hafa fylgst lengi að. Jamie leikur sinn 666. leik í kvöld ef að líkum lætur og Steven hefur spilað 556 leiki. Hafa þeir fóstbræður verið saman í liðinu í flestum þessum leikjum sínum. Vonandi eiga þessir, fræknu synir Liverpool borgar, báðir eftir að bæta vel við leiki og titla áður en þeir leggja skóna á hilluna.

Hér má sjá dæmi um hinn mikla vinskap þeirra Jamie og Steven. 

TIL BAKA
Nýlegar fréttir
Fleiri fréttir
Fréttageymslan