Fyrsti titill

Þeir Alvaro Arbeloa og Xabi Alonso unnu sinn fyrsta titil með Real Madrid í kvöld. Reyndar var einn annar fyrrum leikmaður Liverpool líka í sigurliðinu en Jerzy Dudek var varamarkmaður. Í tapliði Barcelona var Javier Mascherano.

Real Madrid vann spænsku bikarkeppnina með því að leggja Barcelona að velli 1:0 í Valencia. Cristiano Ronaldo skoraði sigurmark Real með skalla í framlengingu. Þetta var í 18. sinn sem Real Madrid vinnur spænsku bikarkeppnina. 

Xabi Alsono varð bikarmeistari með Liverpool árið 2006 og hefur þar með unnið bikarkeppni í tveimur löndum. Svo vill til að Jerzy Dudek var líka á bekknum þá þegar Liverpool lagði West Ham United að velli 2006.