| Sf. Gutt

Stevie að skríða saman

Steven Gerrard er að skríða saman eftir náraaðgerðina sem hann fór í á dögunum. Hann gæti leikið með Liverpool um næstu helgi þegar liðið hans leikur á útivelli gegn West Bromwich Albion. Hann hafði þetta að segja í viðtali við Sky.

,,Það eru svona þrír, fjórir dagar þangað til ég get farið að æfa á fullu. Ég vona að ég geti komið við sögu gegn West Brom en það fer eftir hvernig gengur næstu þrjá, fjóra dagana."

,,Meiðsli eru það versta við að vera knattspyrnumaður og það er ergilegt að geta ekki tekið þátt í stórleik eins og England gegn Wales á Árþúsundaleikvanginum. Ég vona að ég geti verið til taks í næsta leik í undankeppninni gegn Sviss í sumar."

Það er vonandi að aðgerðin sem Steven Gerrard fór í hafi tekist vel því hann hefur ekki náð sér almennilega á strik á þessu keppnistímabili. Hafi hún lánast má búast við Stevie sterkum á lokasprettinum og það veitir ekki af.




TIL BAKA
Nýlegar fréttir
Fleiri fréttir
Fréttageymslan