Daniel ekki lánaður

Í gær var greint frá því að Daniel Ayala myndi fara sem lánsmaður til Derby County. Ekkert varð þó af því. Ástæðan var sú að Daniel er enn ekki orðinn leikfær eftir meiðsli sem hann varð fyrir hjá Hull en hann var þar lánsmaður frá byrjun leiktíðar fram að jólum.

Allt útlit er þó á því að spænski miðvörðurinn fari sem lánsmaður til Derby þegar hann verður búinn að ná sér af meiðslunum. Það gæti orðið einhvern tíma í næsta mánuði. Nigel Clough, framkvæmdastjóri Derby, sagði í gær að hann vildi fá Daniel að láni þegar hann verður orðinn leikfær.