Við verðum að standa saman

Kenny Dalglish segir að allir sem tengjast Liverpool FC verði að standa saman og byrja árið 2011 á sem bestan hátt.

Sendiherra félagsins telur að það þurfi nauðsynlega á samstilltu átaki allra að halda fyrir leikinn við Bolton á nýársdag og er fullviss um að þrjú stig muni vinnast ef allir leggjast á eitt.

Dalglish sagði:  ,,Við skulum bara ýta á pásutakkann og einbeita okkur öll sem eitt að því að beina orku okkar á einn stað."

,,Allir - hvort sem það eru leikmenn, stuðningsmenn, starfslið eða hver sem er - verða að leggjast á eitt og það er að ná í þessi þrjú stig sem liðið svo nauðsynlega þarfnast í leiknum gegn Bolton í dag."

,,Vegna þess að ef allir standa saman þá eigum við betri möguleika á því að ná sigri."

Hann bætti við:  ,,Ef allir vinna sitt starf af bestu getu; ef allir standa saman; ef leikmennirnir gera stuðningsmennina æsta og stuðningsmennirnir styðja leikmennina og allir eru leiddir í sömu áttina þá ættu bara að nást ein úrslit í dag."

,,En ef enginn er á sömu blaðsíðu, þá verður þetta erfiðara."