| Sf. Gutt

Steven ekki tilbúinn

Fyrr í vikunni var jafnvel talið að Steven Gerrard yrði orðinn leikfær fyrir leik Liverpool og Newcastle United á morgun. Ekki var það nú svo gott.
 
Steven, sem meiddist í landsleik Englands og Frakklands í síðasta mánuði, er ekki alveg búinn að ná sér af meiðslunum. Hann tognaði þá aftan í læri og hefur verið í sjúkraþjálfun síðan.

Þó svo að Steven geti ekki spilað með á morgun þá er hann á góðum batavegi og fregnir herma, úr herbúðum Liverpool, að bati fyrirliðans sé samkvæmt áætlunum læknaliðs félagsins.

Það var alltaf miðað við að Steven myndi vera orðinn góður af meiðslunum fyrir leik Liverpool og Fulham. Vonandi gengur það eftir. Mestu skiptir þó að Steven verði búinn að ná sér fullkomlega þegar hann fer af stað á nýjan leik. 

   
TIL BAKA
Nýlegar fréttir
Fleiri fréttir
Fréttageymslan