| Sf. Gutt

Allt í rétta átt!

Fernando Torres sökkti Chelsea með tveimur glæsilegum mörkum. Hann segir allt vera farið að færast í rétta átt hjá sér og Liverpool. Hann hafði þetta að segja eftir leikinn.

,,Ég er mjög ánægður með sigurinn. Það gildir alvg sama um mig og alla stuðningsmennina. Þetta voru góð úrslit og liðið lék frábærlega. Við njótum sigursins í dag en það er leikur aftur eftir nokkra daga og við verðum að einbeita okkur að honum."

,,Við spilum alltaf svona gegn sterkustu liðunum. Þegar við mætum Man United, Arsenal eða Chelsea náum við okkur oft virkilega vel á strik en núna verðum við að gera eins gegn liðum sem eru um miðja deild. Ef okkur tekst þetta verðum við í baráttu um titla þegar dregur að lokum leiktíðarinnar."

,,Við erum núna búnir að vinna fjóra leiki í röð. Þetta verðum við að gera oftar því það eru gerðar kröfur um svona stöðugleika hjá Liverpool. Við stefnum í rétta átt núna. Liðið er að spila vel og þegar það leikur vel ná leikmennirnir sér á strik. Þetta er öllum í hag."

TIL BAKA
Nýlegar fréttir
Fleiri fréttir
Fréttageymslan