| Heimir Eyvindarson

City undirbýr boð í Torres

Manchester City mun ætla að nýta sér ástandið í herbúðum Liverpool til að lokka Fernando Torres yfir til sín í janúar.

Það er Liverpool Daily Post sem greinir frá þessum áformum Manchester liðsins í dag, en eins og kunnugt er hefur City  lengi haft hug á því að fá Torres til sín.

Í frétt blaðsins er fullyrt að Roberto Mancini og félagar muni ekki einungis reyna að sannfæra Torres um að meiri möguleikar séu á að krækja í einhver verðlaun hjá Manchester City en hjá Liverpool, sem virðist því miður vera staðreynd í dag, heldur muni liðið einnig bjóða Spánverjanum talsvert hærri laun en hann hefur hjá Liverpool.

Það er því ljóst að nýrra eigenda bíður það krefjandi verkefni að sannfæra þennan snjalla framherja um að vera um kyrrt í herbúðum Liverpool, þrátt fyrir að fátt gangi liðinu í vil þessa dagana.

TIL BAKA
Nýlegar fréttir
Fleiri fréttir
Fréttageymslan