Samið við tvo ungliða

Liverpool tilkynnti í dag að samið hefði verið við tvo ungliða. Þeir þykja að sjálfsögðu ungir og efnilegir.

Sá fyrri, sem um ræðir, er Portúgalinn Jesus Joaquin Fernandez Saenz De La Torre sem jafnan er kallaður Suso. Hann kemur frá Cadiz. Suso er fljótur og leikinn sóknarmaður og þykir gríðarlegt efni. Einhverjir hafa meira að segja gengið svo langt að telja hann mesta efni frá Portúgal frá því Cristiano Ronaldo kom þaðan. Suso hefur verið hjá Liverpool síðustu mánuði og kom inn á sem varamaður í æfingaleiknum við Borussia Moenchengladbach fyrr í sumar.
 
Hinn ungliðinn er Ungverjinn Adam Hajdu. Hann kemur frá MTK Budapest og gerði samning við Liverpool sem gildir til næsta sumars. Adam hefur leikið með yngri landsliðum Ungverja.