Carlton Cole inni í myndinni?

Fregnir herma að Roy Hodgson, framkvæmdastjóri Liverpool, hafi hug á að fá Carlton Cole frá West Ham United. 

Roy staðfesti eftir leik Liverpool og West Bromwich Albion í gær að hann hefði hug á að fá einn sóknarmann í lið sitt áður en lokað verður fyrir félagaskipti. Það er skiljanlegt enda glapræði að leggja upp í leiktíðina án þess að bæta við sóknarmanni. Það var ekki gert fyrir ári og varð dýrkeypt. Fernando Torres og David Ngog eru einu sóknarmenn liðsins með einhverja reynslu.

Sky Sport telur sig hafa heimildir fyrir því að forráðamenn Liverpool hafi sett sig í samband við þá sem mestu ráða hjá West Ham United og verði unnið í málinu næstu daga. 

Liverpool mun kaupa Paul Konchesky frá Fulham hvern næsta dag. Hann var gestur Liverpool í gær og fylgdist sigri liðsins úr stúkunni.