| Sf. Gutt

David ánægður með mörkin

David Ngog kom sér í sögubækur Liverpool í Makedóníu í gærkvöldi. Hann skoraði þá fyrstu mörk Liverpool á valdatíð Roy Hodgson þegar Liverpool vann Rabotnicki 2:0. David sagðist vera ánægður með mörkin. ,,Það var mjög gaman að skora en það mikilvægasta í kvöld var að vinna leikinn." David afgreiddi mörkin vel en hann ítrekaði þátt félaga sinna, Lucas Leiva og Martin Kelly, í markaskorun sinni. Svona lýsti David Ngog mörkunum sínum sögulegu eftir leikinn.

,,Fyrra markið kom eftir aukaspyrnu. Ég sá svolítið pláss fyrir aftan varnarmanninn og Lucas sendi góða sendingu á mig. Lánið var með mér og ég klárði færið."

,,Kelly gerði vel í seinna markinu og sendi frábæra sendingu fyrir markið á mig."

Roy Hodgson stýrði Liverpool til sigurs í sínum fyrsta opinbera leik. Hann var ánægður með framgöngu David Ngog og hrósaði honum eftir leikinn.

,,Mér finnst David hafa staðið sig vel í æfingaleikjunum hingað til og hann hefur lagt mjög hart að sér á æfingum. Ég er ánægður með að hann skyldi hafa kórónað leik sinn með tveimur mörkum. Hann leiddi sóknina vel, var hreyfanlegur og hélt boltanum vel. Sóknarmenn þurfa alltaf á mörkum að halda og honum hefur þótt gott að skora. Mörkin þýða að hann þarf ekki að hafa miklar áhyggjur af komandi leikjum."

TIL BAKA
Nýlegar fréttir
Fleiri fréttir
Fréttageymslan