Forsíða

Frétt

21.07.2010 20:07 | Ólafur Haukur Tómasson

Liverpool í viðræðum um sölu á Riera

Það hefur verið staðfest að Albert Riera og Liverpool Football Club eru í viðræðum við gríska liðið Olympiacos um sölu á Spánverjanum. Albert kom ekki við sögu í æfingaleiknum við Grasshoppers sem fram fór síðdegis í dag. Roy Hodgson sagði þetta eftir leikinn.  

"Það eru viðræður í gangi við Olympiacos og þess vegna vildum við ekki taka neina áhættu með Albert Riera."
 
Ewald Lienen, stjóri Olympiacos, sagði í dag að stutt væri í að gengið yrði endanlega frá kaupunum á Albert. Það má því ætla að frá lausum endum verði gengið innan skamms.

Albert Riera kom árið 2008 til Liverpool og hefur leikið 56 leiki fyrir liðið og skorað fimm mörk. Á þeim tíma var hann einn af fimm leikmönnum Liverpool sem varð Evrópumeistari með Spáni en tækifæri hans á síðustu leiktíð voru af skornum skammti vegna neikvæðra ummæla hans í garð liðs síns og fyrrum knattspyrnustjóra Liverpool, Rafael Benítez.

Allt bendir því til að hann muni á næstunni fylgja þeim Fabio Aurelio og Yossi Benayoun út um dyrnar hjá Liverpool og munu þeir Emiliano Insua og Philipp Degen að öllum líkindum fylgja í þau sömu fótspor á næstunni.
Til baka

Fréttir

Samstarfsaðilar

  • Ölgerðin
  • Jói Útherji knattspyrnuverslun
  • Players Sport Cafe
  • VITA
  • Orkan
  • EJS hýsir vefinn okkar