Forsíða

Frétt

21.07.2010 13:07 | Sf. Gutt

Philipp Degen má fara

Það er mikið í gangi í herbúðum Livrerpool þessa dagana. Nýir leikmenn koma og aðrir eru á förum. Philipp Degen hefur nú fengið leyfi, frá Roy Hodgson, til að yfirgefa félagið. Þetta var staðfest á Liverpoolfc.tv í dag og þar var þetta haft eftir Roy. 

"Við áttum vinsamlegt spjall við Philipp og hann vill fara þangað sem hann getur spilað knattspyrnu. Við munum ekki standa í vegi hans og hann má fara að leita sér að öðru félagi."

Svisslendingurinn kom til Liverpool fyrir tveimur árum. Hann hefur ekki látið mikið að sér kveða en fádæma óheppni með meiðsli hafa gert honum erfitt fyrir. Philipp hefur spilað þrettán leiki með Liverpool.

Philipp Degen var í byrjunarliði Liverpool gegn Al-Hilal, um helgina, en spilaði ekki frekar en aðrir. Túlega leikur hann ekki aftur með Liverpool í sumar. Ekki er nú líklegt að Liverpool fá peninga fyrir Philipp því hann kom á frjálsri sölu á sínum tíma þegar hann kom frá Borussia Dortmund.







Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin