Forsíða

Frétt

21.07.2010 06:07 | Sf. Gutt

Liverpool kaupir Danny Wilson!

Seint í gærkvöldi var tilkynnt á Liverpoolfc.tv að Liverpool hefði keypt Danny Wilson frá Glasgow Rangers. Í gær var fjallað í mörgum fjölmiðlum um að Liverpool væri við að ganga frá samkomulagi við Rangers. Nú hefur sem sagt verið staðfest að Danny er orðinn leikmaður Liverpool!

Þessi kaup voru líka staðfest á heimasíðu Rangers og þar sagði talsmaður félagsins að Liverpool myndi borga tvær milljónir sterlingspunda núna strax. Kaupupphæðin getur svo farið upp í fimm milljónir ef ákveðin ákvæði í kaupsamningnum taka gildi. 

Byrjað var að vinna í því að ná Danny Wilson til Liverpool á valdatíma Rafael Benítez. Roy Hodgson, arftaki hans, hefur greinilega haft álit á þessum skoska strák því nú eru vistaskipti hans í höfn. Það sama má segja um kaupin á Milan Jovanovic. Þau voru undirbúin á meðan Rafa var við stjórn.   

Danny, sem er 18 ára, þykir einn efnilegasti varnarmaður sem hefur komið fram í Skotlandi í nokkurn tíma. Forráðamenn Rangers vildu því skiljanlega halda Danny en hann hafði ekki áhuga á að framlengja samning sinn við félagið.
 
Liverpool hefur nú keypt tvo Breta á tveimur dögum og myndu margir telja það skref í rétta átt í leikmannamálum. Á síðustu árum hafa tiltölulega fáir Bretar verið hjá Liverpool en nú fjölgar þeim. Persónulega finnst mér það hið besta mál.  
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin