Roy: Ég vil að Sammy verði áfram

Roy Hodgson þarf að fá fleiri þjálfara og aðstoðarmenn í starfslið sitt þar sem margir fóru eftir að Rafael Benítez fór frá félaginu. Hann segist gjarnan vilja halda Sammy Lee, fyrrum leikmanni Liverpool og fyrrum aðstoðarstjóra Rafael, áfram hjá félaginu.

"Sammy verður klárlega hér um ókomna framtíð og svo lengi sem hann vill vera hér. Ég hef engan hug á að láta hann fara og vilji hann vera um kyrrt hjá okkur þá er honum það meira en velkomið. Ég hef ekki tekið ákvarðanir um aðrar stöður enn sem komið er."

Margir læknavísindamenn og þrekþjálfarar hafa komið til Liverpool í sumar. Þó eru nokkrar þjálfarastöður enn ófylltar og gæti ef til vill verið fyllt upp í þær þegar Roy Hodgson og hans menn snúa aftur heim á Melwood.

Það verða að teljast góð tíðindi að Sammy Lee geti verið áfram hjá Liverpool og vonandi tekur hann þessu boði Roy Hodgson. Hann þekkir félagið og innviði þess betur en flestir aðrir og þannig mann hlýtur að vera gott að hafa sér til halds og trausts.