Reina hrókur alls fagnaðar!

Það er greinilega orðinn fastur liður í hátíðahöldum Spánverja að Pepe Reina stjórni stuðinu! Hann fór fyrir spænska liðinu í hátíðahöldum við heimkomuna til Spánar.

Eins og aðdáendum Pepe Reina er eflaust enn í fersku minni sló hann í gegn eftir að Spánverjar tryggðu sér Evrópumeistaratitilinn fyrir tveimur árum. En hið óborganlega myndbrot þar sem Reina syngur Camarero af mikilli innlifun sló þá í gegn á Youtube.

Við hátíðahöldin í Madrid, þegar Spánverjar komu heim með sinn fyrsta heimsmeistaratitil, var Reina auðvitað aftur maðurinn sem hélt uppi stuðinu!

Hér má sjá kynningu Pepe Reina á liðsfélögum sínum, en þetta er hliðstæð kynning og Pepe stjórnaði 2008.