El Zhar vill komast burt

Nabil El Zhar segist fá of fá tækifæri hjá félaginu og vill komast burt.

,,Ég fæ ekki tækifæri til að sanna mig hjá Liverpool", segir hinn ungi Marokkómaður í viðtali við marokkóska fjölmiðla í gær.

,,Ég er orðinn 23 ára gamall og það er einfaldlega ekki nóg fyrir mig að spila smástund hér og þar. Ég veit um lið í Evrópu sem hafa spurst fyrir um mig og ég vil ekki útiloka að ég skipti um félag fyrir næstu leiktíð."

Síðan El Zhar kom til Liverpool í október 2006 hefur hann komið við sögu í 32 leikjum. Í 27 af þessum 32 leikjum hefur hann komið inn á sem varamaður.