Margir leikir færðir

Búið er að færa marga leiki Liverpool, á komandi leiktíð, vegna sjónvarpsútsendinga. Til að byrja með voru tveir fyrstu leikir Liverpool færðir til en alls er búið að færa tíu leiki Liverpool fram til áramóta.

Fyrsti leikur Liverpool gegn Arsenal á Anfield Road átti að fara fram laugardaginn 14. ágúst en verður nú leikinn daginn eftir klukkan þrjú. 

Annar leikurinn, sem er við Manchester City í Manchester, átti að vera laugardaginn 21. ágúst hefur verið færður yfir á mánudagskvöldið 23. klukkan sjö.

Búast má við miklum tilfæringum á leikjum Liverpool, á komandi leiktíð, þar sem liðið leikur í Evrópudeildinni. Í þeirri keppni er spilað á fimmtudagskvöldum og því þarf að færa laugardagsleiki Liverpool yfir á sunnudag eða jafnvel mánudag eftir því hvað sjónvarpsstöðvar ákveða. Það þarf því ekki að búast við mörgum laugardagsleikjum hjá Liverpool í vetur.
 
Gott er fyrir þá sem ætla að fara að horfa á Liverpool á næstu mánuðum að kynna sér breytingar á leikjadagskránni áður en ferðir eru fastsettar. 

Hér er listi yfir þá leiki Liverpool sem nú þegar er búið að færa til.