Fulltrúar Liverpool í Suður Afríku

Fæðingardagur: 19.12.1986.

Fæðingarstaður: Amsterdam í Hollandi.

Staða: Útherji eða framherji.

Félög á ferli: Ajax og Liverpool.

Fyrsti landsleikur: 26.03.2005 gegn Rúmeníu.

Landsleikjafjöldi: 39.

Landsliðsmörk: 5.

Leikir með Liverpool: 129.

Mörk fyrir Liverpool: 20.

Hvernig gekk á síðustu leiktíð? Ryan náði sér ekki á strik frekar en flestir leikmenn Liverpool. Hann var líka ekki skynsamur í því hvernig hann hagaði sér fyrir framan tölvuna sína! Hann fékk fleiri tækifæri þegar dró að lokum leiktíðar og náði að spila þokkalega á köflum.

Hver eru helstu einkenni okkar manns? Hann er mjög hæfileikaríkur leikmaður sem kann margt fyrir sér. Hann hefur á hinn bóginn átt erfitt með að sýna getu sína inni á vellinum. 

Hver er staða Ryan í landsliðinu? Ryan hefur verið fastamaður í landsliðshópnum síðustu árin en hann hefur ekki verið fastamaður í byrjunarliðinu. 

Hvað um Holland? Holland vann riðil sinn í undankeppninni af miklu öryggi. Liðið er vel mannað og ef vel tekst til er alls ekki útilokað að það geti náð langt í þessari keppni. 

Aþjóðlegir titlar Hollands: Evrópumeistarar landsliða 1988.
 
Besti Hollendingur allra tíma? Johann Cruyff. Þessi snillingur hóf ferilinn á unga aldri með Ajax áður en hann lagði heiminn að fótum sér með Barcelona. Endaði svo ferilinn heima í Hollandi. Vann þó aldrei stórtitil með hollenska landsliðinu.

Vissir þú? Ryan notar Twitter!

Helsta heimild: http://www.lfchistory.net.