AF HM

Martin Skrtel og félagar hans frá Slóvakíu hófu keppni í Suður Afríku í gær. Þetta var söguleg stund fyrir Slóvaka því þeir hafa ekki áður leikið í úrslitakeppni á stórmóti í knattspyrnu.

Slóvakar mættu Nýja Sjálandi og voru lengst af heldur sterkari aðilinn. Robert Vittek kom þeim yfir í upphafi síðari hálfleiks með skalla. Reyndar hefði markið ekki átt að standa því hann var rangstæður. Allt stefndi í sigur Slóvaka þegar Winston Reid náði að jafna með skalla. Jafntefli varð 1:1 og verða það að teljast ein óvæntustu úrslitin á HM hingað til. Þetta var fyrsta stig sem Nýja Sjáland fær á HM en þeir töpuðu öllum sínum þremur leikjum árið 1982 þegar þeir kepptu fyrst.

Martin stóð sig vel í vörninni en reyndar reyndi ekki mikið á hann og félaga hans í öftustu vörn. Þeir sofnuðu þó á verðinum á versta tíma og Slóvakar máttu sætta sig við jafntefli. Vonbrigði þeirra voru mikil eins og glögglega mátti sjá.

Hér eru myndir úr leiknum af Liverpoolfc.tv.