Carragher í landsliðshóp Englendinga

Jamie Carragher hefur tekið landsliðsskóna sína af hillunni því hann hefur verið kallaður upp í 30 manna æfingahóp enska landsliðsins fyrir Heimsmeistarakeppnina í knattspyrnu.

Jamie Carragher hætti með landsliðinu árið 2007 en Fabio Capello virðist hafa sannfært hann um að gefa aftur kost á sér enda leikur vafi á því að þeir Rio Ferdinand og Ledley King verði leikfærir vegna meiðsla.

Steven Gerrard og Glen Johnson eru einnig í hópnum sem ferðast til Austurríki til æfinga og undirbúnings fyrir HM.  Capello mun svo tilkynna endanlegan 23 manna hóp þann 1. júní.

Fjórir fyrrum leikmenn Liverpool eru í hópnum. Þetta eru þeir David James, Stephen Warnock, Peter Crouch og Emile Heskey. Víst hefði verið gott að hafa þá Stephen og Peter ennþá í liði Liverpool.

Hópurinn er skipaður eftirtöldum leikmönnum:

Markmenn:  Joe Hart, David James, Robert Green.

Varnarmenn:  Leighton Baines, Jamie Carragher, Ashley Cole, Michael Dawson, Rio Ferdinand, Glen Johnson, Ledley King, John Terry, Matthew Upson, Stephen Warnock.

Miðjumenn:  Gareth Barry, Michael Carrick, Joe Cole, Steven Gerrard, Tom Huddlestone, Adam Johnson, Frank Lampard, Aaron Lennon, James Milner, Scott Parker, Theo Walcott, Shaun Wright-Phillips.

Framherjar:  Darren Bent, Peter Crouch, Jermain Defoe, Emile Heskey, Wayne Rooney.