Forsíða

Frétt

19.04.2010 10:04 | Ólafur Haukur Tómasson

Kelly vill stöðu Johnson

Martin Kelly kom fyrst í sviðsljósið þegar hann kom inn á sem skiptimaður í Meistaradeildarleik gegn PSV Eindhoven á síðustu leiktíð og var á varamannabekknum í leikjunum gegn Marseille og Real Madrid. Kelly þótti standa sig með sóma og var á bekknum í nokkrum leikjum aðalliðsins á þessari leiktíð. Hann byrjaði sinn fyrsta leik í Meistaradeildarleiknum gegn Lyon og þótti hann standa sig frábærlega í þeim leik en hann varð fyrir því óláni lenda í meiðslum sem hafa hrjáð hann í allan vetur.

Hann er þó kominn aftur á ról og búinn að koma inn á í tveimur leikjum, gegn Portsmouth og Unirea, og verið oft á bekknum. Nú eru hann og Glen Johnson báðir að komast í toppform en þeir eru að berjast um hægri bakvarðarstöðuna. Kelly er hæst ánægður að fá að læra af leikmanni eins og Johnson en ætlar sér þó að eigna sér stöðu hans.

"Sem ungur leikmaður þá er ekki betri hægri bakvörður í landinu að læra af heldur en Glen Johnson. Eiginleikar hans til að verjast og sækja er frábært. Síðan hann kom til félagsins hef ég lært mikið af honum. Hann er opinn náungi og hann er alltaf að hjálpa mér, allir leikmenn hrífast af honum því hann er aðgengileg persóna. Það verður erfitt að taka stöðu hans í liðinu en ég verð að reyna. Á næstu tólf mánuðum vill ég setja hann undir eins mikla pressu og mögulegt er og nýta tækifæri mín þegar þau koma í kjölfarið." sagði Kelly.

Leikir Kelly með aðalliðinu hefðu líklega án nokkurs vafa orðið fleiri hefði hann ekki meiðst á sama tíma og Glen Johnson en á meðan voru þeir Javier Mascherano, Jamie Carragher og Philipp Degen sem sáu að mestu um að manna hægri bakvarðarstöðuna.
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin