| Sf. Gutt

Gerum okkar besta!

Liverpool fer til Manchester á morgun til leiks við United þar í borg. Þetta er jafnan einn helsti stórleikur hvers keppnistímabils. Liverpool hefur unnið tvo síðustu leiki eftir tvö slæm töp. Bæði Rafael Benítez og Steven Gerrard vonast eftir framhaldi á góðu gengi eftir sigrana tvo í vikunni.

Rafael Benítez: Rígurinn milli beggja liða er gríðarlegur en ég reyni, sem fagmaður, ekki að láta tilfinningar mínar í ljós. Þetta er stórleikur fyrir bæði lið og það skiptir í raun ekki máli hvar í töflunni liðin eru. Bæði lið vilja sigur og því er pressa á báðum.

Sem framkvæmdastjóri þá vill maður sigur á móti öllum liðum en það er auðvitað sérstaklega gaman að vinna toppliðin. Við þurfum að vinna því viljum komast í hóp fjögurra efstu liða.
 
Við spiluðum mjög vel bæði á mánudaginn og eins sýndum við góðan leik á fimmtudaginn. Vonandi tekst okkur að ná hagstæðum úrslitum á Old Trafford. Ef við stöndum saman getum við unnið hvaða lið sem er. Það verður erfitt að spila á Old Trafford en við munum gera okkar besta. 

Steven Gerrard: Maður reiknar alltaf með erfiðum leik á Old Trafford. Við förum þangað eftir að hafa spilað tvo góða leiki. Þessi leikur verður þó allt öðruvísi. Þeir leiða deildina en við munum láta þá hafa fyrir hlutunum.

Steven Gerrard hafði þetta að segja eftir leik Liverpool og Lille. Vonandi ná leikmenn Liverpool að halda áfram góðu gengi sínu á morgun en leikmenn liðsins þurfa að hafa sig alla við í Manchester ef hagstæð úrslit eiga að nást.
TIL BAKA
Nýlegar fréttir
Fleiri fréttir
Fréttageymslan