Forsíða

Frétt

27.02.2010 20:02 | Sf. Gutt

Fleiri mörk takk!

Það hefur vantað töluvert upp á að leikmenn Liverpool hafi verið nógu marksæknir síðustu mánuðina. Sem dæmi má nefna að Liverpool skoraði þrjú mörk í sama leiknum, í fyrsta sinn frá því í lok september, í Rúmeníu á fimmtudagskvöldið. Liverpool raðaði inn mörkum til að byrja með á keppnistímabilinu en svo fækkaði mörkunum jafnt og þétt.

Bæði Rafael Benítez og Steven Gerrard eru að vonast eftir bætingu í þessum efnum. Helst vonast þeir eftir mörgum mörkum á morgun þegar Liverpool mætir Blackburn.

Rafael Benítez: "Maður vill alltaf skora fleiri mörk en liðið er þó traustara núna og vörnin hefur batnað frá því sem var. Við þurfum á því að halda að leikmenn úr öllum stöðum skori. Það er reiknað með þeir Torres, Kuyt eða Ngog skori enda eru þeir sóknarmennirnir. Þeir skora venjulega en miðjumenn og einhverjir af varnarmönnunum verða að hjálpa til við markaskorun."

Steven Gerrard: "Við höfum ekki verið nógu góðir í sóknarleiknum og ekki náð að skapa nógu mörg færi. Mikilvægast er að verjast vel og halda markinu hreinu en það skiptir líka miklu að hafa sóknarleikinn í góðu lagi. Vörnin verður vissulega að vera góð en við verðum líka að vera svolítið djarfir og taka áhættu frammi á vellinum."

Nú er að sjá hvort sóknarleikur Liverpool fer ekki að skerpast því núna er vörnin kominn í sitt gamla góða form. Lagist sóknin ætti þetta keppnistímabil að geta endað þokkalega.
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • EJS
  • Ölgerðin