Fulltrúi Liverpool til Íslands!

Í gær var dregið í riðla fyrir forkeppni Evrópukeppni landsliða. Að minnsta kosti einn leikmaður Liverpool mætir trúlega Íslendingum. Íslendingar lentu í H riðli með frændum okkar Dönum og Norðmönnum. Að auki eru Portúgal og Kýpur í riðlinum. 

Miðað við núverandi landsliðsskipan ætti Daniel Agger að leika gegn okkur Íslendingum. Það verður gaman að sjá Daniel Agger hérlendis en hann hefur áður leikið gegn Íslendingum í forkeppni Evrópukeppni landsliða 2008. Vonandi tekst okkur Íslendingum þó loksins leggja Dani að velli. Það er kominn tími á það og þó fyrr hefði verið!

Hér er riðlaskiptingin:

A-riðill:
Þýskaland
Tyrkland
Austurríki
Belgía
Kazakhstan
Azerbaijan

B-riðill:
Rússland
Slóvakía
Írland
Makedónía
Armenía
Andorra

C-riðill:
Ítalía
Serbía
Norður-Írland
Slóvenía
Eistland
Færeyjar

D-riðill:
Frakkland
Rúmenía
Bosnía-Herzegóvína
Hvíta-Rússland
Albanía
Lúxemborg

E-riðill:
Holland
Svíþjóð
Finnland
Ungverjaland
Moldavía
San Marino

F-riðill:
Króatía
Grikkland
Ísrael
Lettland
Georgía
Malta

G-riðill:
England
Sviss
Búlgaría
Wales
Svartfjallaland

H-riðill:
Portúgal
Danmörk
Noregur
Kýpur
Ísland

I-riðill:
Spánn
Tékkland
Skotland
Litháen
Liechtenstein 

Eins og allir vita þá eru Spánverjar ríkjandi Evrópumeistarar en þeir unnu keppnina árið 2008. Þá unnu þeir Þjóðverja 1:0 í úrslitum og skoraði Fernando Torres eina mark leiksins. Fjórir þáverandi leikmenn Liverpool, Jose Reina, Alvaro Arbeloa, Xabi Alonso og Fernando Torres, voru í Evrópumeistaraliði Spánverja. 

Úrslitakeppni Evrópukeppni landsliða 2012 fer fram í Póllandi og Úkraínu.