Forsíða

Frétt

27.01.2010 21:01 | Sf. Gutt

Öruggur stórsigur!

Liverpool komst áfram í undanúrslit Bikarkeppni Livrepool borgar í kvöld eftir öruggan stórsigur 4:0 gegn utandeildarliðinu Ashton Town. Vörn þessa titils heldur því áfram en Liverpool vann hann á síðasta keppnistímabili.

Liverpool hóf leikinn af krafti og komst yfir á 14. mínútu. David Amoo fékk boltann í teignum og skaut að marki. Málinu var bjargað í bili en Svíinn Alex Kacaniklic, sem er hér á mynd, tók frákastið og sendi boltann í markið. Eftir þetta var aðeins spurning um hversu stór ósigur heimamanna yrði en þeir börðust þó vel. David Amoo var næstum búinn að skora litlu síðar eftir undirbúning Alex og mörkin hefðu getað orðið fleiri í fyrri hálfleik. 

Yfirburðir Liverpool héldu áfram í síðari hálfleik og Hollendingurinn Jordy Brouwer, sem kom til leiks í hálfleik, skoraði strax í byrjun. Á 58. mínútu fékk Liverpool aukaspyrnu rétt utan vítateigs. Jay Spearing tók aukaspyrnuna og smellti boltanum neðst í markhornið. Emmanuel Mendy innsiglaði svo stórsigur Liverpool þegar sjömínútur voru eftir af leiknum. 

Guðlaugur Victor Pálsson var varamaður líkt og í síðasta leik en nú fékk hann að koma inn á. Athygli vakti að Damien Plessis, sem orðaður var við brottför til Ítalíu núna í vikunni, lék allan leikinn. Kannski var verið að fylgjast með honum.  

Liverpool: Oldfield, Irwin, Mavinga, Threlfall, Ayala, Spearing (Kohlert 60. mín.), Plessis, Kacaniklic, Mendy, Amoo (Pálsson 68. mín.) og Saric (Brouwer 46. mín.).

Maður leiksins samkvæmt Liverpoolfc.tv: Alex Kacaniklic

Liverpool tefldi fram varaliði sínu eins og venja er til í þessari keppni. Þetta var annar leikur liðsins á árinu en sá fyrsti var í síðustu viku.


Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin