Hápunktur ársins 2009 - Númer 1

Á dögunum könnuðum við hvaða atburður nýliðins árs lesendum Liverpool.is þótti merkilegastur. Við förum nú yfir niðurstöðurnar. Þetta var talinn markverðasti atburðurinn á því Herrans ári 2009.

Sigurinn á Manchester United á Old Trafford - 48%

14. mars 2009. Liverpool hafði fatast flugið eftir að hafa verið í efsta sæti deildarinnar um áramótin. Flestir töldu að tap á Old Trafford þýddi að Liverpool ætti enga möguleika á enska meistaratitlinum. Liverpool var því uppi við vegg en leikmenn liðsins sýndu hvað í þá var spunnið með því að hýða Manchester United 4:1. Sigurinn kom Liverpool aftur inn í baráttuna um Englandsmeistaratitilinn sem stóð svo fram á vor.

Hér eru niðurstöður könnunarinnar í heild sinni. 

Sigurinn á Manchester United á Old Trafford 48%
 
Sigurinn á Manchester United á Anfield 14%
 
Liverpool í efsta sæti deildarinnar í byrjun árs 11%

Steven Gerrard kosinn Knattspyrnumaður ársins 11%

Kaupin á Íslendingunum 8%

Sigurinn á Real Madrid á Anfield 8%

Greidd atkvæði: 1517.