Var rætt við Eið Smára?

Sögusagnir um kaup, sölur og lán ganga nú öllum fjöllum hærra í Bretaveldi enda styttist í að yfirstandandi félagaskiptatímabili ljúki. Ein sagan er sú að Liverpool hafi rætt við Eið Smára Guðjohnsen leikmann Monaco. Þessari sögu hefur brugðið fyrir í nokkrum enskum fjölmiðlum. Sagan hermir að Eiður hafi neitað meintu tilboði Liverpool.  

Hér á Liverpool.is eru ekki stundaðar óábyrgar sögusagnir og þessi er einungis birt vegna þess að Íslendingur kom við sögu. Ekkert mat er lagt að sannleiksgildið.