| Heimir Eyvindarson

Birmingham enn á eftir Babel

Fregnir frá Englandi herma að Birmingham hafi í dag gert þriðju tilraun að krækja í Ryan Babel frá Liverpool.

Slúðurblaðið Daily Mirror segir að Alex McLeish stjóri Birmingham hafi hækkað boð sitt í Hollendinginn og einnig boðið Babel betri laun en um var talað í fyrstu tveimur tilboðunum. Þá segist blaðið hafa heimildir fyrir því að Babel hafi loforð frá McLeish upp á að hann fái að spila sem framherji, ef af félagaskiptunum verður.

Sagt er að Tottenham, Besiktas og Galatasaray hafi einnig sýnt Babel áhuga og McLeish vilji gera allt sem í sínu valdi stendur til að verða fyrri til að tryggja sér krafta hans.

Blaðið nefnir ekki mögulegt kaupverð en talið er að það verði í kringum 10 milljónir punda.

Peningana mun Liverpool, samkvæmt heimildum blaðsins, nota til að kaupa Kenwyne Jones frá Sunderland.

Annað slúðurblað, Daily Mail, fullyrðir að Jones vilji ólmur komast til Liverpool og segir að 10 milljónir punda muni duga Liverpool til að ganga frá þeim kaupum. Blaðamaður Daily Mirror fullyrðir hinsvegar að 10 milljónir dugi ekki til og Sunderland fari fram á að minnsta kosti 14 milljónir punda fyrir kappann.

Við sjáum hvað setur, en víst er að Liverpool þarf nauðsynlega á nýjum framherja að halda þar sem Fernando Torres verður frá næstu sex vikurnar.
TIL BAKA
Nýlegar fréttir
Fleiri fréttir
Fréttageymslan