Forsíða

Frétt

06.01.2010 12:01 | Sf. Gutt

Tilboði í Ryan Babel hafnað

Ryan Babel er ekki til sölu. Að minnsta kosti hefur Liverpool hafnað einu tilboði í Ryan. Þetta tilboð kom frá Birmingham City og mun hafa hljóðað upp á níu milljónir sterlingspunda. Tilboðinu var sem sagt hafnað samkvæmt fréttum í staðarblðunum í Liverpool. Þetta kemur ef til vill á óvart því Ryan hefur langt frá því náð sér á strik á þessu keppnistímabili. En höfnunin kemur ekki á óvart ef miðað er við orð Rafael Benítez eftir síðasta leik Liverpool. Hann sagði þá að Ryan Babel væri ekki til sölu.

Staðarblöðin, Echo og Daily post telja sig hafa öruggar heimildir fyrir því að þeir Andrea Dossena og Andriy Voronin mun yfirgefa Liverpool hvern næsta dag. Andrea mun á leið til Napoli en Andriy til Dinamo í Moskvu. Liverpool gæti hugsanlega fengið 4.5 milljónir fyrir Ítalann en um 1,5 fyrir Úkraínumanninn. Snjóþyngsli og erfiðar flugsamgöngur munu hafa tafið fyrir því að þeir félagar séu búnir að ganga frá sínum málum!
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin