Forsíða

Frétt

04.01.2010 19:01 | Heimir Eyvindarson

Dossena á leið til Napoli?

Sky Sport fullyrðir í dag að Riccardo Bigon yfirmaður íþróttamála hjá Napoli sé á leið til Liverpool til að freista þess að ná samningum við liðið um kaup á Andrea Dossena.

Dossena er klárlega einn af þeim leikmönnum sem Rafael Benítez mun reyna að losa sig við í janúar, en bakvörðurinn ítalski hefur einungis leikið fimm leiki með aðalliðinu á þessu tímabili og þar af einungis þrjá í byrjunarliði.

Dossena hefur einnig verið orðaður við Roma upp á síðkastið, en hann er talinn hafa mikinn áhuga á að spila aftur í heimalandi sínu. Einhver spænsk félög eiga víst líka að hafa borið víurnar í kappann að undanförnu og ekki er talið útilokað að hann endi þar í landi.

Fyrst og fremst vill hann þó auðvitað komast til liðs þar sem hann fær að spila, en með því myndi hann auka líkurnar á að komast í HM hóp Ítala fyrir sumarið.


Til baka

Fréttir

Samstarfsaðilar

  • Ölgerðin
  • Jói Útherji knattspyrnuverslun
  • Players Sport Cafe
  • VITA
  • Orkan